Plantun de Prouvènço

Pèr coumpara dos planto d'encò nostre

Serapias vomeracea & Potamogeton pusillus

Serapias vomeracea

Orchidaceae

Nom en français : Sérapias à labelle allongé.

Descripcioun :
Lebourino que se pòu vèire un pau d'en pertout mai que rèsto pulèu raro. I'agrado li relarg umide, riche en argielo o en sablo. Se recounèis à sa longo petalo de davans (labreto) e à sa grando taio. Regardas pamens que la labreto siegue pas en cor, que sarié alor Serapias cordigera que ié sèmblo un pau pèr ço qu'a de vèire emé la coulour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Serapias
Famiho : Orchidaceae

Coulour de la flour : Brunello
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : à
Couroulougi : Pancaro entresigna
Ref. sc. : Serapias vomeracea (Burm.f.) Briq., 1910

Espigo-d'aigo(-primo)

Potamogeton pusillus

Potamogetonaceae

Autre noum : Poutamot.

Noms en français : Potamot de Palerme, Potamot fluet.

Descripcioun :
Aquesto espigo-d'aigo s'atrobo dins li canau e li mueio mens o mai salado. Fai partido dóu group de poutamot qu'an de fueio longo e primo. Aquéu se recounèis bonodi si guèno d'estipulo que soun pas duberto en plen, e que reston de tèms contro la cambo (mounte i'a ges de ramo que parton) sènso s'escarta.

Usanço :
D'ùnis espigo-d'aigo sarien manjadisso en Asìo.